ÅGOTNES SKULE

VELKOMMEN TIL ÅGOTNES SKULE!

For nytt om skulen – klikk på lenkja ”SKULENYTT”.

Ågotnes skule er ein kombinert barne- og ungdomsskule på Ågotnes i Fjell kommune, ein halv times køyretur frå Bergen sentrum. På Ågotnes ligg oljeforsyningsbasen CCB med kring 1.000 arbeidsplassar. Ågotnes-området har stor tilflytting av folk, og elevtalet på skulen er aukande.

Skuleåret 2009 – 2010 har vi 230 elevar på barnesteget og 275 elevar på ungdomssteget, til saman 505 elevar. På skulen er det 93 tilsette: 66 lærarar, 1 sekretær, 1 vaktmeister, 7 reinhaldarar, 1 leiar SFO, 5 barne- og ungdomsarbeidarar, 10 assistentar og 2 lærlingar.

Elevane på barnesteget kjem frå gardane Eide, Kårtveit og Ågotnes. Ungdomsskuleelevane kjem frå Misje, Landro, Knappskog og Ågotnes skular.

Skulen sto ferdig til skuleåret 1981/82 og vart påbygd i 1994 og i 2005/2006. Frå skuleåret 2010-2011 vert det teken i bruk ny ungdomsskule for Store-Sotra. Då vert Ågotnes skule rein barneskule for 1.-7. klasse. Sjå elles omtale av den nye skulen i VestNytt her:

http://www.vestnytt.no/nyheter/slik-blir-agotnes-ungdomsskule/

Vi ønskjer å vere ein ”HEFRES-skule”. Dette tyder at vi prioriterer arbeidet med helsefremjande tiltak både for barn og vaksne. Det kjem mellom anna fram i formuleringa av skulen sin visjon:

”Ågotnes skule skal vera ein helsefremjande skule der det vert lagt vekt på helse og trivsel for store og små. Vi ynskjer eit trygt læringsmiljø der opplæringa er tilpassa den einskilde elev. Solide basiskunnskapar skal gje grunnlag for vidare kunnskapstileigning.”

Skulen har eigen elevkantine, 25-meters symjebasseng, tilgang til idrettsanlegg og idrettshall med klatrevegg og eit variert uteområde med skog, sjø og vatn i gangavstand frå skulen. Vi er øvingsskule for Høgskulen i Bergen og tek imot grupper av lærarstudentar i periodar av skuleåret.

I arbeidet mot mobbing deltek vi i Olweus-programmet – sjå ”PLANAR” i margen til venstre.

Vi har teke i bruk den nye, digitale læringsplattforma ’It’s Learning’. Etter kvart vil elevane kome på nett med klassen og læraren sin og få sitt eige område å jobbe opp mot både på skulen og heime.

For pålogging til ’It’s Learning’ – klikk her:

Her er nokre bilete av skulen (fleire bilete under SKULENYTT):

Symjehallen	Biblioteket	Ågotneshallen	Elevkantina	Handballbana
SKULEN SETT FRÅ VEST