*      ÅGOTNES SKULE   
                                                         

PLANAR

 

ORDENSREGLAR FOR ÅGOTNES SKULE

 

Revidert 23.11.11

 

Ågotnes skule er arbeidsplass for elevar og tilsette. Det bør vera i alle si interesse å gjera arbeidsmiljøet så trygt og triveleg som mogleg.  Ordensreglane må sjåast som ei rettleiing i dette arbeidet.

 

1.         Alle skal visa høvisk framferd overfor kvarandre.

 

2.                  Elevane skal gjera dei arbeidsoppgåver dei vert pålagde. Dersom nokon får arbeids-

oppgåver dei meiner dei ikkje er i stand til å utføra, eller på anna vis kjenner seg urett-

ferdig behandla, kan og bør dette takast opp med kontaktlærar eller rektor.

 

3.                  Berre sjukdom eller annan tvingande grunn gjev høve til å vera borte frå undervisninga.

Skulen må få melding om fråvere, helst på førehand, dersom det er mogeleg. Dersom frå-

været varer i tre dagar eller meir, må skulen straks få melding.

 

4.                  Elevane skal vera på skuleområdet i friminutta.  Opphald i korridorar og klasserom i

friminutta er til vanleg ikkje tillate.

 

5.                  Følgjande må vi forby i skuletida:

 

a)      Snøballkasting (snøballkasting er berre tillate mot oppsett blink).

            b)  Sykling, sparkehjul, rullebrett, rullesko, rulleskeiser.

c)      Røyking og bruk av snus og rusmidlar.

Dette gjeld også ved andre tilstellingar ved skulen.

d)      Snop.

e)      Bruk av mobiltelefon eller anna privat, elektronisk utstyr er ikkje tillate i skuletida eller på skulen sitt område.  Dersom elevane tek med seg slikt utstyr på skulen, vert det på eige ansvar, og utstyret skal liggja avslått i sekken. Med anna privat elektronisk utstyr meinar ein til dømes elektroniske musikkspelarar og spel.

f)        Private leikar, til dømes spel, dokker, bilar.

 

6.                  Det må gjerast merksam på følgjande:

 

a)      Sykling til og frå skulen er foreldra sitt ansvar.  Trygg Trafikk gjev råd om sykling frå hausten i 5. klasse.  Elevane får eiga sykkelopplæring om våren i 4. klasse.  Viss elevane syklar til skulen, bør dei nytte hjelm. 

b)      Ein lærar har høve til å visa ein elev ut frå timen dersom eleven uroar undervisninga.

      Administrasjonen må få melding om dette.

c)      Ein lærar har høve til å halda ein elev att etter skuletid dersom eleven ikkje rettar seg

 etter ordensreglane. Heimen skal ha skriftleg melding om dette på førehand. Ein lærar    

 har også høve til å halda ein elev inne i friminutta.

d)      Rektor har høve til å visa ein elev bort frå skulen resten av skuledagen. Elles kan

ein elev i skuleåret verta flytta til ein annan klasse dersom dette er naudsynt.

e)      Elevane er ansvarlege for skulemateriellet dei får utlevert. Ingen må gjera

      skade på bøker, skulesaker, inventar, bygningar eller leikeapparat.

      Med heimel i lov av 13. juni 1969 om skadeserstatning, kan ein påleggje 

                  skadeutøvaren å betala inntil kr 5.000,- for kvar einskild skade.

7.                  Dersom elevane vil halda tilstellingar, møte o.l. på skulen, må dei be rektor om løyve til dette. Ordensreglane gjeld på alle slike arrangement, også på skuleturar o.l.

 

 

 

ORDENSREGLAR FOR SKULANE I  FJELL KOMMUNE

Revidert 11.05.2010

 

 

Alle skular skal ha eit ordensreglement

- Opplæringslova §2.9 - http://www.lovdata.no/all/tl-19980717-061-002.html#2-9

- Forskrift til Opplæringslova § 3-5 - http://www.lovdata.no/for/sf/kd/td-20060623-0724-005.html#3-5

Ordensreglementet er ei forskrift - Forvaltningslova §2, §37, §38.

Reglement R-skriv 07-2005 frå Utdanningsdirektoratet er lagt til grunn.

Skulane kan ha utfyllande reglar. Elevar, føresette, lærarar og skuleleiinga bør delta i utforminga av desse reglane.

 

 

 

  1. Alle elevar har rett til eit godt fysisk og psykososialt miljø som fremjar helse, trivsel og læring. Opplæringslova § 9a 1 og 4

 

  1. Alle elevar har rett til eit mobbefritt miljø der alle har medansvar for at ikkje nokon opplever  krenkande og ulovleg åtferd frå andre.

  2. Alle elevar har rett til å bli høyrde i saker som vedkjem dei.
    Opplæringslova §2.9. og 3.7.

  3. Alle elevar skal vise omsyn og respekt for andre, bidra til arbeidsro i timane og syne respekt for undervisninga.

  4. Alle elevar møter punktleg og førebudd til timane.

  5. Elevar skal ikkje ha med eller bruke farleg reiskap på skulen.

  6. Det er forbode å ha med eller bruke rusmiddel på skuleområdet. Dette gjeld også arrangement utanom skuletida. Opplæringslova §9.5.

  7. Elevar skal ikkje bruke mobiltelefon eller anna privat, elektronisk utstyr  i skuletida – dette skal vere avslått og liggje i sekken.

 

 

SANKSJONAR VED BROT PÅ ORDENSREGLANE:

 

  • Samtale, munnleg eller skriftleg åtvaring frå lærar/inspektør/rektor
  • Melding til dei føresette, møte med dei føresette
  • Bortvising i inntil 3 dagar (gjeld ungdomssteget). Elevar på årstrinna 1 – 7 kan visast bort frå undervisninga for enkelttimar eller for resten av dagen. Foreldra til elevar på barnetrinnet skal varslast før det blir sett i verk bortvising for resten av dagen.  (Opplæringslova §2.10 – Bortvising,  enkeltvedtak med klagerett)
  • Gjensitting eller parade
  • Skifte av gruppe, klasse, skule
  • Nedsett karakter i orden og åtferd
  • Inndraging av mobiltelefon eller anna privat, elektronisk utstyr – kan berre hentast av dei føresette etter skuletid
  • Skadeverk medfører at eleven må rydde opp / utbetre skaden, og dei føresette er erstatningsansvarleg for inntil kr 5.000,- (skadeerstatningslova §1.2)
  • Inndraging av ulovlege eller farlege gjenstandar og evt. levering av desse  til politiet
  • Ved lovbrot vil rådmannen vurdera å melda saka til politiet (kommunal prosedyre).

 

PRESISERINGAR:

Krenkande og ulovleg åtferd er til dømes:

-         fotografering av medelevar og leggje bileta på nettet, negativ omtale på nettside

-         negative sms , mms, chat, epost, ryktespreiing

-         rasistiske utsegn og handlingar

-         seksuell trakassering

-         sjikane på grunn av religion, legning eller livssyn

-         hærverk

-         valdsbruk

-         mobbing

-         trugsmål

 

Farleg reiskap er til dømes:

      -     Gjenstandar som kan brukast til å skade andre t.d.

             knivar, stikkereiskap, våpen av ulike slag

 

Rusmiddel: nulltoleranse for tobakk og andre rusmiddel

 

Datert 07.03.2007 - Revidert 11.05.10 2010, KDD

 

FORSKRIFT TIL OPPLÆRINGSLOVA, KAPITTEL 3

§ 3-5. Grunnlaget for vurdering i orden og i åtferd

Grunnlaget for vurdering i orden og i åtferd er knytt til i kva grad eleven opptrer i tråd med ordensreglementet til skolen.

 

Grunnlaget for vurdering i orden er knytt til om eleven er førebudd til opplæringa, og korleis arbeidsvanane og arbeidsinnsatsen til eleven er. Det inneber mellom anna om eleven er punktleg, følgjer opp arbeid som skal gjerast, og har med nødvendig læremiddel og utstyr.

 

Grunnlaget for vurdering i åtferd er knytt til korleis eleven oppfører seg overfor medelevar, lærarar og andre tilsette i og utanfor opplæringa. Det inneber mellom anna om eleven viser omsyn og respekt for andre.

Vurderinga av orden og åtferd skal haldast åtskild frå vurderinga av eleven sin kompetanse i fag.

I vurderinga i orden og i åtferd skal det takast omsyn til føresetnadene eleven har. Til vanleg skal det ikkje leggjast avgjerande vekt på enkelthendingar; unntaket er dersom enkelthendinga er særleg klanderverdig eller grov. Fråvær kan føre til nedsett karakter i anten orden eller i åtferd.

 

 

ÅGOTNES SKULE SIN HANDLINGSPLAN MOT MOBBING

2011 - 2012

 

 

DEFINISJON:           Det er mobbing/plaging

når eitt eller fleire individ,

gjentekne gonger og over tid,

vert utsett for negative handlingar

frå eitt eller fleire andre individ (KUD 1983)

 

I.    PLAN FOR FØREBYGGING AV MOBBING

 

A.  FØREBYGGJANDE TILTAK I SKULETIDA

 

1.      Elevsamtalar.

2.      Klassemøte.

3.      Fadderordningar.

4.      Hemmeleg ven.

5.      Gjere ulike oppgåver frå perm om mobbing.

6.      Sjå ulike videoar om mobbing. 

            Døme:  "Den røde ballongen" (PRT NO62).

                           "MOBBING.  Scener fra barns hverdag" (KUD / a/s Vida).

                           "Dem sparker deg i sjela også" (Norsk Filminst./Svarstad  Prod.).

7.      Lese bøker om emnet. 

            Døme:  "Mobberen, musen og meg" (PRT).

                           "Kråka Knas" (Magnhild Mogstad, Høgskuleforlaget).

                          "Du og jeg og vi to".

8.      "Ut på tur" med ei lita gruppe og to lærarar.

9.      Turar med ei eller fleire klasser.

10.   Aldersblanda aktivitetar. 

            Døme:  Musikk og rørsle. 

                          Grautfest.

11.   Trening i å stå fram med eige arbeid (alle sitt arbeid er like verdifullt).

12.   Trening i å akseptere andre sitt arbeid når dei står fram.

13.   Skape vi-kjensle.  Snakke saman og seie vi og oss, ikkje eg og mitt.

14.   Dramatisering, rollespel, dokketeater, prosjekter.

15.   Nytte 10. klassingar som ressursar i friminutta.

16.  Gje tilbod om at 10. klassingar kan få velje SEV yrkespraksis på SFO.

 

B.  FØREBYGGJANDE TILTAK PÅ KVELDSTID

 

1.     Elevkveld.

2.     Elev-/foreldrekveld.

3.     Foreldremøte:  Prøve å opne for å ta opp vanskelege saker på eit foreldremøte.

4.     Spel- og aktivitetskveld for klassen i foreldreregi.

5.     Klasseklubb med foreldre og grupper på 5 elevar av gongen.

6.    Kontaktmøte.

 

II.    PLAN FOR AVDEKKING AV MOBBING

 

1.   OBSERVASJONAR                 

                   I friminutta.

                   På skulevegen.

 

2.   ELEVSAMTALAR

                   Klassestyrar har samtale med den einskilde elev kvar haust og vår.

 

3.  TRIVSELSUNDERSØKINGAR        

                   På småskulesteget.                                     

                   På mellomsteget.

                   På ungdomssteget.        

 

4.  SPØRJEUNDERSØKING        

                   Spørjeundersøking blant elevane kvart år (midten av mai).

Skuleforeldremøte med presentasjon av arbeidet mot mobbing  kvart år (slutten av august).

               Klasseforeldremøte med utarbeiding av klassen sin handlingsplan for

trivsel og tryggleik og arbeid mot mobbing kvart år (midten av september).

   

5.  FORELDREUNDERSØKING

                   Spørjeundersøking blant foreldra kvart andre/tredje år.

 

III.  TILTAKSPLAN NÅR MOBBING VERT OPPDAGA

 

1.          a)  Mobbar og mobbeoffer har samtalar kvar for seg med klassestyrar.

På ungdomssteget er det naturleg at  klassestyrar samarbeidar med rådgjevar.  Skriftleg notat skal leverast til rektor.

                       

              b) Møte mellom mobbar og mobbeoffer.

Klassestyrarane til begge partane er med på møtet, eventuelt to vaksne dersom mobbinga skjer innafor same klassen.

 

     c)  Informasjon til foreldra pr. telefon eller brev.

                  

    2.            Periode med observasjon i friminutta ved klassestyrar/rådgjevar.  Info til lærarane som har inspeksjon.  Eventuelt ekstra person inn for å observere i timane.  Tilbakemelding frå mobbar og mobbeoffer.  Informasjon til foreldra.

 

    3.            Dersom mobbinga held fram, kallar klassestyrar(ane) inn begge partar -  føresette og barn  - til eit avklaringsmøte.  Ein oppfølgingsplan skal utarbeidast.  Han inneheld individuelle avtalar for mobbar og mobbeoffer om ønska åtferd.  Tilbakemelding til føresette kvar veke.

 

Skulen og føresette lagar i samarbeid framlegg til konsekvensar for mobbaren.

 

                   Døme på tiltak overfor mobbaren:

 

                   Mobbing på skulevegen:

 

                   *  Mobbaren må bli att etter skuletid.

                  *  Dei føresette hentar mobbaren på skulen.

                       

                        Mobbing i friminutta:

 

*  Mobbaren sine føresette kjem til skulen og deltek i inspeksjonane.

 

                        Mobbing i timane:

 

                   *  Mobbaren sine føresette er til stades i nokre timar.

 

4.           Klassestyrar og administrasjon avgjer i samarbeid med dei føresette om andre partar som PPT, skulehelseteneste, barnevern, politi eller konfliktråd skal inn i saka.

 

RUTINAR FOR KLASSEROMMET

 

Revidert 23.11.11

 

1)      Jakkene skal hengje på gangen – dei skal takast av før elevane kjem inn i  klasserommet. 

         Hugs å ta med alle verdisaker  inn i klasserommet (t.d. lommebok, busskort osv.).

 

2)      Elevane skal helse ordentleg på læraren både om morgonen og før dei går heim om ettermiddagen og når dei får ny lærar i klasserommet.

 

3)      Avslutning for dagen:

        

Elevane pakkar sakene saman når læraren gjev klarsignal.

Elevane får ikkje lov til å gå før det ringjer ut.

                  

4)      Fråvere og forseintkoming til timar:

Dette skal førast i dagboka som ligg i skuffa.

 

5)      Åtferd:

Elevane skal syne allmenn folkeskikk.  

Rettesnor er ordensreglementet, klasseleiingsprogrammet TSK og antimobbe-programmet frå Olweus.

 

HEFRES-PLAN 2011-2012

 

Ågotnes skule er ein HEFRES-skule.  Dette tyder at vi ønskjer å skape eit HELSE-FREMJANDE miljø for både barn og vaksne.  I Europa er det over 400 skular i 40 land med rundt 300 000 elevar som deltek i nettverket av helsefremjande skular


HEFRES-ARBEIDET OMFATTAR:

 

a)         SKULEKANTINA

           

            Skulekantina er eit direkte produkt av HEFRES-satsinga.  Ho er open kvar dag, og elevane jobbar sjølve i kantina saman med ein barne- og ungdomsarbeidar.  Kantinelokala vert også nytta av organisasjonar og privatpersonar i nærmiljøet til arrangement av ymse slag.

           (Diverre er kantina midlertidig stengt dette skuleåret).

           

b)         TRIM EIN KOLLEGA

               

·        Trening i arbeidstida

·        1 time i veka på ”grøn tid”

·        Idrettsbane, symjehall, gymsal, badeområde, klatrevegg og turterreng til disposisjon

·        Mykje sosialt!

 

c)         SKULEHELSEGRUPPA OG TVERRFAGLEG TEAM

 

·        Månadlege møte

·        Skulelege, helsesyster, spespedkoordinator, rektor, inspektør, eventuelt anna personell

·        Direkte oppfølging av einskildelevar og deira problem

·        Open og god dialog om fysiske og psykiske sider ved verksemda

 

d)         AKTIVITETSDAGAR

 

·        Turmarsj om hausten
·        Vinteraktivitetsdag med ski og skeiser
·        Friidrettsdag om våren
·        TineStafetten for 6.-7. klasse om våren
·        Balldag/fotballcup om våren      

 

e)         TRIVSELSPLANAR

 

1.-4. klasse har faste utedagar og ulike aldersblanda aktivitetar, til dømes -

·         fellesmåltid

·        juleverkstad

·        grautfest

 

5.-7. klasse har til dømes (litt varierande frå steg til steg) -

·        fellesfrukost

·        kvelds med foreldra og arrangert hyggjekveldar

·        teatertur, fisketur, bibliotektur, bytur

·        grautfest

·        juleverkstad

 

f)     KLASSEREGLAR OG RUTINAR

 

Kontaktlærarane har sett saman ein perm med oversikt over reglar, rutinar, haldningar, folkeskikk, aktivitetsdagar, prosjekt osv..  Meininga er bevisstgjering på kva reglar og haldningar vi styrer etter slik at vi kan verte  tryggare vaksne for unge i ei usikker tid.  Samstundes er ein slik perm til stor hjelp for nye lærarar og vikarar

 

g)     OLWEUS-PROGRAMMET MOT MOBBING

 

Sidan hausten 2001 har skulen vore med på opplæringa i Olweus sitt kjerneprogram mot mobbing.  I mai 2011 skal elevane for ellevte gongen delta i ei stor spørjeundersøking om mobbing.  Klassane jobbar etter programmet gjennom heile skuleåret.

 

h)    SKULEVURDERING

 

Kvar haust deltek alle lærarane i ei arbeidsmiljøundersøking – ”Medarbeidarundersøkinga”.  Dessutan deltek alle tilsette i evaluering av skulen sitt arbeid mot mobbing kvar vår.

           For elevane er det obligatorisk å delta i både Elevundersøkinga og dei Nasjonale prøvene.

 

i)      VELFERDA

 

Innan kollegiet er det ein eigen velferdskomité som steller i stand markeringar, festar og turar.

           

j)      PRAKSISSKULE

 

Ågotnes er øvingsskule for Høgskulen i Bergen, avdeling for lærarutdanning, og har jamt tilsig av studentar heile året.


 
Lenkjer til lovverket:

KUNNSKAPSLØFTET

OPPLÆRINGSLOVA

FORSKRIFT TIL OPPLÆRINGSLOVA

GRUNNLOVA