På fredag og i dag, tysdag (02. mai) har vi laga sluser i klassen. Dette gjorde vi ved å bruka to 1,5 l flasker som vi skar av toppen på. Deretter laga vi hol nedst i flaska og sette eit sugerøyr i mellom. Etterpå fylte vi vatn i den eine flaska og såg då om vi fekk fylt opp den andre flaska. Vi arbeidde saman to og to og alle gruppene fekk slusene til å verka. Her ser du nokre bilete:

På Wikipedia kan du lese meir kva ei sluse er for noko.                          Denne slusa er frå Panamakanalen.

Eit av emna vi har arbeidd med i NSM i det siste er "Ei reise langs elva". Fredag 21. april fekk vi i oppgåve å lage bruer. Vi fekk kun nytta papir og teip. Brua skulle ligge mellom to pultar og kunne bere flest mogleg målarskrin. Dette gjorde at vi blei svært engasjert og var inndelt i grupper som konkurrerte mot kvarandre. Vi oppdaga at vi var nødt til å laga bruene sterke og solide for at dei skulle kunne bere flest mogleg målarskrin. Den sterkaste brua klarte å bera 23 målarskrin. Det var kjekt!! Her ser du nokre bilete:

I NSM har vi tema "Frå liten til stor". Vi har lært om kroppen vår, korleis vi vert til og utviklinga frå vi er liten til vi blir mykje større. Vi har også teikna oss sjølve i full storleik og det kan du sjå glimt av på bileta under.