Vikingprosjekt

Denne hausten har 6. klasse hatt om vikingtida. Vi har hatt ein liten ”storyline”. Elevane har på ein måte fått delteke litt i vikingtida sjølv. Dei laga figurar og lærte dermed korleis mann og kvinner gjekk kledd i vikingtida. Vikinggarden vart laga i pappmasje med mjølkekartonghus og vikingskip i leire. Det heile vart avslutta med ein vikingfest i gymsalen der det vart servert vikingmat i form av heimelaga flatbrød og smør, spekemat og røkt fisk. På festen hadde vi òg aktivitetar som bryting og handbak. Fleire av elevane var og utkledd som ekte vikingar denne dagen.