Sak nr.

Tekst

Navn

27-25/01

Godkjenning av innkalling og sakliste

Det var ingen merknader til innkallinga.

28-25/01

Godkjenning av referat, oppfølging av referat

Det var ingen merknader til referatet. Orientering og påminning om klassekonto må ut til klassekontaktar og kontaktlærarar før neste FAU-møte.

29-25/01

Skriv og meldingar

a)      Bjørnar Fjellhaug er tilsett fast som lærar i 100%-stilling.

b)      Hilde Hamre er fast tilsett som inspektør

c)      Sunniva af Geierstam er fast tilsett som musikkterapeut/lærar i 20% stilling.

d)      Susanne Henriksen er tilsett som ny lærar for 6. klasse.

e)      Ny lærar for 5. klase vert tilsett i februar/mars grunna permisjon.

f)        Gymsalen var stengd veka før jul grunna skifting av golv i garderobane. Gymsalen er opna att, men apparatrommet er ikkje ferdig på grunn av fukt i golvet. Ingen sopp vart funne ved kontroll.

g)      Margunn har vore på møte i rådhuset om forsøk på å starta opp att KFU (foreldreutval på kommunalt nivå)

h)      Grendalaget skal ha årsmøte førstkomande onsdag

30-25/01

Oppsummering og evaluering juleavslutninga i Foldneskyrkja

Sein skulestart med øving i kyrkja var svært vellukka. Programmet var fantasisk fint, det tekniske fungerte og Hilde var ein kjempeflink programleiar! Bra jobba.

På kjøkkenet sprang vi beina av oss fordi vi var for få folk. Neste år må vi få mobilnr. Til dei som skal vera med og hjelpe til, slik at vi får tak i dei.

Rydding før og etter programmet gjekk greitt, og det var veldig nyttig at kyrkja også hadde ein ansvarsperson til stades heile kvelden.

31-25/01

Grendaposten

Dette punktet utset vi til neste møte.

32-25/01

Møtedatoar for FAU våren -07

FAU sin møteplan for våren blir slik:

22.2, 29.3, 26.4. og 31.5. Årsmøtet blir ca. 14. juni.

33-25/01                  

 Arbeidsplanar for våren

I haust bestemte vi oss for å ha aktivitetskveld for dei minste fredag 9. februar. Cari tar som vanleg ansvar for ansiktsmaling, Tone lagar eit program med dans og drama, Adriana/Ross/Stein tar ansvar for baking på kjøkkenet. Vi brukar kakemanndeig og Cari ordnar med kakeformer. Margunn og Sigve oppvartar foreldre/føresette med kaffi og kjeks. Ungane får saft. Vi tar ingen inngangspengar denne kvelden

Skulen vil gjerne ha ein temadag om psykisk helse. 22. mars er ein høveleg dag. Då gjer vi som vi pleier. FAU ordnar med kaffi og noko å bita i før vi går i foreldremøte i klassane etterpå.

Dersom vi skal ha ein ny datakveld for 4.-7. klasse er 23.3. ein aktuell dato. Vi drøftar dette meir på neste FAU-møte.

34-25/01

Ymse

Grendalaget etterlyser Grendakalenderen og minner om at det i si tid vart kjøpt kamera til dette føremålet.