Januar 2006

Godt nytt år!

Velkomen som lesar av første utgåve av ”rektor sitt hjørne”. Her vil det vere ei blanding av informasjon frå oppveksttunet, men også plass for ris og ros…

Håper alle stikk innom dette hjørnet ofte…

Ny heimeside

Som de ser er heimesidene våre oppdaterte og blitt riktig fine. Det er vi stolte av! Kom gjerne med innspel og idear. Målet er å gjere desse sidene til ein aktiv informasjonskanal for elevar, foreldre og tilsette både i barnehagen og skulen. Vi vil også etter kvart kome med bilete og små notisar for å synleggjere aktivitetane i oppveksttunet.

Møter i rådsorgana

Minner om møtene i fau og su no i vinter: Fau har møte 26. januar og 23. februar. Samarbeidsutvalet har sitt første møte 2. februar kl. 19.30. Vil også oppfordre alle om å stille opp når grendelaget snart skal ha folkemøte om grendehus.

Bilkøyring på skuleplassen

Nok ein gong må eg minne om at vi ikkje ønskjer køyring ned på skuleplassen mellom 8.00 og 15.00. Vi har mange elevar etter kvart og skuleplassen er eit område der dei skal kjenne seg trygge. Eg ber difor om at alle brukar parkeringsplassen og heller går ned bakken.

Bruk av utstyr i gymsalen

Vi har i samband med kvalitetbetringsmidlane til skulane fått kjøpt inn mykje nytt utstyr til gymsalen – mellom anna nye benkar. For de som bruker gymsalen på kveldstid: La benkane alltid stå langs ribbeveggen før og etter bruk. Ikkje set dei opp på scena! Då vert det altfor stor slitasje både på scene og benkar. Er dei i vegen under aktivitet, så er det betre å ta dei ut på gangen. (Hugs då å setje dei tilbake til ribbeveggen!)

Med helsing

Willy