LEKSEHJELP

Informasjon og påmelding

I fjor vart det innført ei ordning med frivillig og gratis leksehjelp for alle elevar på 1. til 4. trinn. Etter eit år med erfaringar, har vi valt å gjere nokre små justeringar.

Her følgjer litt informasjon om ordninga:

· Det er leksehjelp ein halv time kvar dag, måndag- torsdag, etter undervisningstid.

· Elevar som er med på leksehjelpordninga må vere i klasserommet heile leksetida.

· Det er fagarbeidarar som gjennomfører leksehjelpen. Det er ein fagarbeidar pr klasse. Gruppene kan vere ganske store, så det seier seg sjølv at den individuelle oppfylgjinga av elevar vil bli avgrensa.

· Påmelde til SFO som ikkje er med på leksehjelpordninga, vil ha tilsyn fram til ordinær SFO opnar.

· Elevar som ønskjer å vere med på leksehjelpordning, må melde seg på. Påmeldinga gjeld for eit halvt skuleår.

· Det må leverast skriftleg melding dersom eleven ein dag ikkje skal delta på leksehjelpa.

Leksehjelpa startar opp i veke 36 (5.september) for 2.- 4.kl.

For 1. klasse startar ordninga opp etter jul.

Det vert sendt ut informasjon og ny påmelding før jul.

Lekser er viktige!

Det er framleis dei føresette sitt ansvar å fylgje opp at leksene vert gjort, sjølv om elevane får leksehjelp på skulen.

Lekser er øvingsoppgåver der elevane får trening på det lærestoffet som er gjennomgått i timane. Leksene gjer foreldrene ein viktig peikepinn på kva elevane arbeider med på skulen. Vi oppfordrar alle foreldre, både dei som vel å gjere seg nytte av leksehjelpa og dei andre, om å fylgje med og vise interesse for elevane sine lekser. Forsking viser at føresette sitt engasjment i elevane sitt skulearbeid har stor innverknad på elevane si læring.

Gå inn på www.udir.no for meir informasjon.

Med venleg helsing

rektor

__________________________________________________________________________

PÅMELDING TIL LEKSEHJELP HAUSTEN 2011

Namn: ………………………………………… Klasse: …………

Dato: ………………Føresett: ……………………………………….