TIL FØRESETTE                                                                                         

LEKSEHJELP FOR 1. –  4. TRINNA SKULEÅRET 2010-2011

Måndag – torsdag får elevar på 1. – 4. trinna tilbod om frivillig leksehjelp.

Kvar klasse får ein assistent (leksehjelpar) som skal gjennomføre lekseøktene.

1.      Leksehjelpa tek til direkte etter 5. time måndag – torsdag, varer i 30 min. og er til vanleg lagt til klassen sin base.

2.      Læraren / kontaktlæraren (lekserettleiaren) gjer klart for elevane og leksehjelparen kva som skal gjerast i leksehjelptida.  

Kontaktlæraren har ansvaret for å førebu innhaldet i leksearbeidet.  Dersom det viser seg formålstenleg vil leksearbeidet bli innordna i vekeplanen, eller leksearbeidet får eigen vekeplan.

3.      Elevar som skal direkte til SFO og/eller som ikkje tek del i leksearbeidet, vil også få  orienteringa om kva som skal gjerast i lekseøktene.  Slik får alle elevane god føresetnad for å kunne gjere leksearbeidet.

4.      Skuleskyssen går etter lekseøkta.  Elevar som ikkje tek del i det frivillige leksearbeidet,

- går til SFO dersom dei er innmelde der

- får tilsyn fram til skuleskyssen går

5.      Leksehjelptilbodet skal vere eit tilbod om hjelp til skulearbeid uavhengig av om elevane har lekser i tradisjonell forstand eller ikkje.  Leksene kan vere ”til i morgon/denne veka” eller innebere meir langsiktig generell øving i ulike fag / disiplinar. Aktiviteten skal vere av ein art som tilseier at eleven vil kunne gjere leksene utan skulefagleg rettleiing.

Skulen har ikkje teke over den rolla som føresette har i å hjelpe barna med skulearbeidet. Foreldre må såleis føre tilsyn med at leksearbeidet faktisk blir gjort, då lekseøkta kan bli nytta til anna enn aktuell lekse til neste dag.

6.      Leksehjelpa har bindande påmelding, såleis blir det ikkje eit drop in-tilbod for elevane der dei kjem når det passar.  Ved fråvere skal eleven levere melding frå føresett.  Ordensreglane for skulen gjeld også i lekseøkta.

Tilbodet om frivillig leksehjelp er eit viktig verkemiddel når det gjeld målsetjinga for skulen som auka læring, sosial utjamning og tidlig innsats.

Modellen som er skissert over kan bli justert gjennom skuleåret.

Mvh

Hans Rasmussen

rektor                                                                                                            31.05.2010